Welcome www.saontal.com website
Downloads:
Good news for you.
welcome www.saontal.com website
Goha
Baba Isorak' mạhima, Gun manao man manot hoyuk' tae ma:-
Ińak' jonom do mit' ṭen isạe gharoń re hoena ar katic khon ge baba Isora' daya te Caatholic hostel ar iskul rege ińak' olok' paṛhaok' hõ huena.Ar hostel reak' ạn arileka dinom hilok' girjạń calak' ar Isor Baba dewasewa wae doń cet' keda.Baebel puthi paṛhao se misạ pujạ re sereń ạyur kore do aḍi rikiṛ teń purạo idi yet' kan tãhena. Menkhãn Isor Baba wak' sereń são sãote filmi sereń ko hõń sereńet' kantahena ar iń re noa duniyạ reak' beohar ko geṅ beoharet' tãhẽ kana.Ińak' jibon re bodlao do baṅ tãhẽ kana. Meṭrik pass katet' ińak' olok' paṛhaok' lahae lạgit' koleg reń bhurtiena koleg hostel re tãhẽn jokhen esteg re se bapla bihạ re film sereńet' tãhẽ kạna. Ar eken ńutum Isạe leka geń tãhẽ kana.Saetan do ińak' jibon re aema dhao te nosṭo lạgit'e kurumutu keda menkhãn Baba Isorak' daya ar dulạṛ teń bańcao hec' idiena.Ar coleg reak' reak' biḍao kore hõ Baba Isorak' daya teń pass idiyen.ar un okte ge September 2009 re SACRED ASSEMBLIES FELLOWSHIP CHURCH Delhi khon Pastor Samuel soren são teń ńapãmena ar aṭhwar hilok' dewa sewa rey neota kedińa ar neota leka te aṭhwar din dewa sewa calak' jaogeń ehop keda. Isor Baba ṭhen jaoge koejoṅ ar uniak' katha ko paṛhao são são te iń do ińak' pap ar ghạṭ kuń ãngoc keda ar Isor Baba ṭhen ikạń koe keda ar iń tet' giń jimạena ar un rege sonot atma wak' daṛeń aṭkar keda ar bohok' khon janga habic' rawal geń aikạo keda.Noa katha do khạṭi teń baḍae keda je Isor Baba do iń ạḍi ãṭe dulạṛidińa.Romi 8:31 Isorge abo lạgit' menae khan enḍe khã abo uparte do okoe ? Baba Isorak' mone leka ińak' jibon re okae pontha wakat' leka ona ãṅgoc katek' laha sec'geń taṛam idi keda.Ińak' jibon re aema dhao Ganga re calak' kan lạokạ leka uḍuc' ḍubuc' calao idi kan tahena. Ar jaoge Baba Isor ṭhen koejoṅ hõń koejoṅ kana jemon baba Isorak' mone lekań calak'.Baba Isorak' daya te teheń mit' ṭen Mạsi hi Sanstha reń kạmi kana ar Isor Babawak' mạhima lạgit' geń sereńeda.baba Isorak' manot ar gun manao jaoge hoyuk' tae ma
Bro.Lorence Hansda
Sahibganj, Jharkanḍ.
